الولد الذكي

هذي قصه راعي ديك منسم المهم اقولكم القصه:
قيه ولد طفران {ماعنده ولا ريال} راح لأبوه وقاله:عطني 15 ريال ودي اشتري كوره.
الاب: اقول انقلع عني تراها واصله معي
الولد: تكفا يبه بس 15 ريال والا اقولك خلها عشرة ريال
الاب: ماعندي فلوس... اذا تبي فلوس رح بع الديك حقك المريض
الي بالحوش.

الولد: بس هذا مريض ومحد بيشتريه.
الاب: ماعلي منك دبر نفسك {وربي انك نذل اهم شئ }

الولد استسلم للأمر الواقع واخذ الديك
اول واحد قابله في وجهه اكيد ابوه ههههههههه
قاله
الولد: تشتري الديك؟؟
الاب: اقول بتنقلع ولا اقوم وأتوطأ في بطنك؟
الولد: خلاص لا تنفخ ويطق فيك عرق ونبلش فيك
طلع الولد من البيت ومعه الديك في محاوله يائسه ان الديك ينباع
عرض الديك أهل الحاره كلهم ولا واحد فيهم
قبل انه يشتر الديك
قال الولد: اممممممممم، والله مالي الا فلانه ، عقلها خفيف وأكيد بقدر العب عليها بسهوله.
فلانه هذي كانت وحده متزوجه بس للأسف كانت رايحه فيها وتلعب بذيلها من ورا زوجها
راح لها الولد عشان يبيع عليها الديك
الولد طق الباب عليها
فلانه: مين عند الباب


الولد: تشترين الديك؟

فلانه: هلا والله بحبيبي تعال اقرب عشان ابوسك بوسه خفيفه
الولد: اقول مو فاضيلك انا خذي مني الديك وخليني اروح
فلانه: تروح مين ياااعمري انا ماصدقت اني شفت رجال عندب بالبيت
الولد:ومنهو الي قالك اني رجال؟ خذي مني الديك وخلينا انقلع
الا وشوي الا الباب يطق فلانه خافت وقالت للولد تعال اندعس هنا في الدولاب لايكون زوجي ونروح فيها.
فلانه حطت الولد في الدولاب وراحت فتحت الباب الا وطلعلها صديقها ومن يكون صديقها؟؟؟ صديقها يكون ابو الولد الي يبي يبيع الديك على فلانه وهذ صديقها اللي تخون زوجها معاه
فلانه : هلا والله بعمري وحياتي
الرجال: يا هلا فيك عمري ما امدا الرجال يكمل كلمته الا والباب يطق
فلانه: ويلي ويلاه هذا شكله رجلي تعال وادخل في الدولاب
دخل خوينا في الدولاب وفجأة وفي عز الظلام سمع صوت يكلمه داخل الدولاب ويقوله :
تشتري الديك؟
الرجال: اصصصصصصص رخ صوتك لا تفضحنا
الولد: تشتري الديك ولا صرخت
الرجال: ياخوي خلاص بشتري الديك بس قصر صوتك تكفى
الولد: طيب
الرجال : بس كم بتبيعه؟
الولد: ب 100 ريال ؟
الرجال: ايش !!!!!!!!! هالديك المنتوف المريض ب 100 ريال
الولد: تبي تشتري ولا ارفع صوتي؟
الرجال : لا لا خلاص اشتري وامري لله .
جلسوا خمس دقايق
الولد: تبيع الديك؟

الرجال: توك بايع الديك علي يا بن الحلال؟
الولد: تبيعه ولا رفعت صوتي؟
الرجال: لا لا خلاص ابيعه وامري لله... بكم تشتريه؟
الولد:بريال؟
الرجال: ايش بريال انا مشتريه منك ب100 وانت بريال .
الولد: تبيعه ولا ارفع صوتي؟
الرجال : لا لا خلاص ابيعه وامري لله
جلسوا خمس دقايق
الولد تشتري الديك؟
الرجال: ياخوي توني مشتريه منك؟
الولد: تبي تشتري ولا ارفع صوتي؟
الرجال: لا لا خلاص ابشتري وامري لله بكم تبيعه ؟
الولد: ب 200 ريال؟
الرجال: الله يمحط بك انشاء الله ...توني مشتريه منك ب 100
الولد : ياغبي هذي اصول التجاره... اخلص علي تبي تشتري ولا ارفع صوتي؟
الرجال : لا لا خلاص اشتري وامري لله ؟
جلسوا خمس دقايق
الولد: تبيع الديك؟
الرجال: انا لله وانا اليه راجعون بكم تشتريه؟
الولد : بريال يعني بكم؟
الرجال: وش تبيني اقول تبيني ابكي ولا اشقق هدووومي يا الله
خذ الديك ولا ببلاش بع
اخذ الولد الديك
شوي الا وفلانه فاتحه الدولاب وقالتلهم: بسرعه انحاشوا دام زوجي في دوره المياه بس واحد ورا الثاني وبشويش عشان لايحس فيكم طلع الرجال وانحاش ولحقه الولد بعده ب5 دقايق المهم قام الولد يتمشى بالشارع وهو مستانس صار معاه فلوس
بعدين راح للبيت ويوم دخل البيت شاف ابوه قدامه
قاله: يبه تشتري الديك؟
الاب: ناظر فيه والشرار طالع من عيونه {حشى مو عيوون هذي}المهم
وقاله مااايكفيك يا بن{؟؟؟؟؟؟؟} الــ 300 ريال الي لطشتها مني في الدولاب ؟؟؟؟
يستاهل والله